蝙蝠俠戴面具唔係為左自己

幾年前睇蝙蝠俠電影,個主角話戴住面具唔係為左保護自己,而係為左保護最愛既人。我相信買保險都係為左保護屋企人而已。留意返,我講既係純粹保險,而唔係投資相連果隻,如果要投資,我寧願信自己。由於後生時投保既保費平好多,所以細佬兩年前岩岩出黎打工兩個月之後,就幫自己買左份保險,保障屋企人之餘,亦係其中一項財務安排,受益人當然係最重要既阿媽。

到出左事先後悔當初無買保險,就好似後悔無一早投資優質股票一樣。優質股票唔會令你一朝發達,而係好似中學讀文學果陣篇課文「漸」咁,不知不覺令你致富。所有優質既野都唔會平,多人買就會貴,就好似靚女就一定多人追。如果你問我最後悔係D乜,我梗係想坐時光機返去十年前買領匯啦!

另一愛股1685.HK博耳電力早兩日出左通告:

博耳電力控股有限公司（「本公司」）董事會（「董事會」）謹 此 公 佈，董 事 會 將 於 二 零一五年十一月五日（星 期 四）假座香港德輔道中199號無限極廣場18樓1805室 舉 行 董 事 會 會 議，審 議（其 中 包 括）派 發 特 別 股 息。

睇返博耳電力派息紀錄,一開始只係有末期息,後來就連續兩年派特別息加末期息。2015年中期業績後宣布派中期息,一眾投資者都以為呢個中期息頂替左特別息架啦,點知依家中期息都未除淨(2015年11月16日),又諗住派特別息?真係講聲多謝晒。

如果為左派息而投資一隻股票,肯定俾人笑你亂咁買。有心人請細閱公司年報,一齊分享睇法。

要避開哪類型的行業及行為

之前睇股神拍檔Charles T. Munger既《窮查理的普通常識》,有句受教極深既話。佢話如果你知道邊度會令你死亡,就極力避開。每個人都想財務自由,今次share下個人認為邊d行為或者邊類型行業既股票最容易令你走上不歸路。

行為:

1. 千其唔好買妖股。有d一睇就知係妖股,炒上炒落,又無實際業務可言,可能年年蝕錢要靠借貸度日,呢d企業就好似靠信用卡過活既人,用新債還舊債。有d公司睇落好正常,低負債,現金水平高,年年賺唔少錢,但股價或者估值永遠係谷底,好可能你遇上左所謂既價值陷阱。股價好平,但公司不停供股配股伸手問股東拎錢。今日新鮮滾熱辣一單,有間公司比沽空機構唱淡,話價值係零蚊。之前有睇過呢間公司既年報,現金水平高,賺唔少錢,但成日集資唔知為乜。其實好多民企既老闆都會係上市公司轉移d錢落自己袋,詳情請參考舊文 大陸民企的問題 。賺錢咁辛苦,點解你要送錢比人洗?

2. 借貸可以,但要嚴格計算自己每月現金流夠唔夠還款。呢樣野係行內就叫debt servicing ratio,即係睇你份糧有幾多%係用黎還債。如果你每個月收入得萬五蚊,但每個月還一萬蚊借貸,你點生活? 你借錢黎做咩? 可能你見稅貸平,借黎買股票,但當你要還錢又唔夠錢果陣,就會逼住賣走d股票,分分鐘係蝕住賣,套用係企業上邊,就係為左還債逼住賣可以產生現金流既優質資產。例子有瑞安房地產賣走超甲級寫字樓企業天地1號同2號,其實領展買左正野,你google map一下呢兩棟野係邊就知我講乜。

3.賺錢好難,一定要知自己買左乜,唔好死左都唔知咩事。

講完唔好做d乜,就share下有邊d行業其實好難揀中優質公司:

1. 需要靠行銷既公司,簡單d講,即係d產品要靠marketing。呢d公司通常係輕資產類,門檻低,易入行,競爭劇烈,每月唔知要洗幾多錢去宣傳。顧客極容易做叛徒,無護城河保護。由一間餐廳去另一間餐廳對你黎講難唔難?

2. 重工業股。年復年地要將賺到既部份利潤拎去做資本開支,亦即是行內術語CAPEX。大型機器需要不停維修同更新,唔keep住做就會落後。

3. 經濟周期股,或者係由放水谷起既行業。呢d公司top line (銷售額) 唔會無上限增長,做賭場,係好好賺,阿爺放水,d錢太多,一係就拎去賭,一係就拎去買樓。四萬億放水之後內房同賭股升到上太空。今年d人拎10億去賭,10年之後會唔會拎100億去賭?20年之後拎1000億? 你起樓既,俾你起到世界盡頭,你會唔會無止境咁增長? 城鎮化都會有結束既一日...

唔係話上邊d行業買唔到好股,但真係好難。邊有人估到賭股今日會搞成咁,另一個見到既例子係長城汽車,無眼睇。

近期迷思

翻查紀錄,The Capital Group Companies, Inc.於2015年10月14日減持1,134,000股1685.HK博耳電力(平均價HKD 12.407),達至需要披露既界線。睇真D,其持股自從上次申報以來,減少7,790,000股。

有D希望佢繼續減持,股價再跌一輪,等我呢D小農可以入貨。

近來迷思三類消費品股。第一隻係1999.HK敏華控股,賣梳化既,數字上非常好睇,負債極低.現金水平充足,觀乎其管理層好似無咩古惑,但就唔多理智,呢頭1送1紅股之後,又回購股份。點解唔直接回購?再加上見到佢2012年果陣個profit margin可以跌到咁勁,第二年又升返...認真神奇。諗黎諗去...賣梳化唔知有咩護城河? 有關護城河概念請參考 擁有深厚護城河的行業 - 燃氣供應 一文。

第二類係1044.HK恒安國際同3331.HK維達國際。呢類叫快速消費品,如紙巾、衛生巾同紙尿片一類。恒安國際係近10年一隻升得好勁既股,而維達...返大陸就成日聽到人話買維達紙巾 (TEMPO都係維達旗下)。呢類公司既護城河係邊?

第三種...至愛維他奶。最大迷思,其估值永遠係天上唔跌落黎,其股價以十年計升幅可觀。基金經理統一口徑話呢間公司管理優良超班,更加係長勝將軍劉生主理既首域增長基金(香港)十大持股之一。呢間公司既護城河係邊?

近期小投資者訓教前思考既問題如上。

收租?

晚上看到萬達商業(3699.HK)出通告公佈截止上個營業月的業續,已經連續很多個月了,這似乎已是公司的習慣,方便投資者跟進。

http://www2.hkej.com/instantnews/stock/article/1161583

萬達商業(03699)公布，今年首9個月累計合同銷售額約929億元(人民幣‧下同)，按年增長2.4%；累計合同銷售面積1009萬平方米，增長27.5%。

此外，首9個月累計租賃收入約104億元，增長32.2%；已開業萬達廣場的購物中心累計客流量約14.9億人次，增長28%。

銷售面積增長接近3成但銷售額增長只有2.4%?這是什麼回事?因為沒有詳細數據,不能加以分析。我猜有兩個可能,一是樓價下跌,賣樓面積多了但收入增長跟不上。二是銷售入帳問題,不知道銷售的收入是否在合同確認的那刻就入帳呢?

早前讀過一篇有關萬達的報導,內容是說萬達發現那些二三線城市的居民對於萬達廣場的忠誠度極高,回頭率高,原因是選擇不多。印象中這一年來的租金收入增長都在30%左右。如此源源不絕的現金流對我來說是很吸引的。當初購入萬達,是等待它轉型成輕資產的巨企,加上銳意發展的體驗式消費可抵抗網購的巨流,值得期待。

大陸民企的問題

民企的問題,其實就是大股東的問題。入股民企是非常高風險的做法。在合作過的民企中,最容易看出問題的就是報表上「貨幣資金」一欄。此項目能夠與銀行月結單匹配的公司少之又少,從我的經驗中十間可能只有一間能沒有問題。民企老闆很多是不懂得看報表的,如果你問公司會計,他會告訴你那是股東戶口裡的錢,或者是一直滾存下來的錢。什麼叫一直滾存下來的錢?就是上一手財務做錯報表,現任的跟著錯。其實民企的報表就是老闆的私人報表,他們沒有「ENTITY」或「LEGAL PERSON」這個概念。

第二個容易看出問題的地方是留存利潤。經過很多年的作假後,保留利潤一項越來越大,很容易造成NET WORTH看似越來越多的假象。到有一天有人提出疑問,賺那麼多的錢,去了哪裡?這時候便需要調整一下。如何調整?非常簡單,找來一個什麼資產估值師,把公司擁有的機器或資產做個估值,把價值太幅調低,然後反映在RETAINED EARNING一項,進行減值,一了百了。這樣就可以把多年「賺到的錢」消去。

第三項,十間民企九間也會出現的問題:報表上年營業額是2億人民幣,而報稅表(增值稅納稅報稅表)上的年營業額只有2000萬。其他的去了哪裡?信報表還是信報稅表?此問題極之常見。很多公司會用出納或者股東的私人銀行帳戶收取貨款,而該些貨款是沒有開具發票的,目的是為了避稅。

第四項,關聯交易。在報表上很多時有不明不白的「其他應收款」或「其他應付款」。如果你一直問公司的財務那些是什麼款項,大多數都問不出個所以然來,有些會直接告訴你那是「調」出來的,這是什麼意思呢?就是報表的資產與負債+權益不平衡時,用來平衡兩邊數字用的。至於關聯交易有什麼問題,請參考現時被證監停牌的股王的故事。

其他深入一點的問題下次再講。

領展小股東的最佳去處

最近在網上發現兩個領展小股東的最佳去處,不是某個現實的地方,而是兩個BLOG。

http://o2and00823.blogspot.hk/

身體力行既due diligence。

http://link823.blogspot.hk/

領展新聞既集中地。

如果你係領展既股東而又唔識睇年報,基本上淨係睇呢兩個BLOG已經足夠。多謝佢地無私既付出。

記大老闆被辭職

舊年,我地其中有個客爆左4000萬壞賬,之後開大會果陣,大老闆淨係講左句:係邊度跌低就係邊度企返起身,無炒到負責個客既同事。今日一朝早返工,十點幾,成個OFFICE氣氛好沉重,大家都唔知發生咩事,淨係知大老闆連部電腦都俾人BLOCK埋。

佢係一個好人,但好人未必可以係商業世界生存。今次係我第二次經歷大老闆被辭職,心情複雜。呢兩年如果唔係成日要交野俾佢,都逼唔到自己執返正D英文,逼自己睇書重拾對英文既興趣。最重要既係,呢位大老闆要求極高,面對面交鋒真係自己進步得最快既日子。去到晏就氣氛已經好D,大家都好識做搵佢影相,營造一個係佢退休既畫面,最後佢講左句有緣再聚就走左。老實講,自己仲未接受到呢個事實,琴日先開完會,今日就LAST DAY? 太突然。放左工之後SEND左個MSG俾佢,表達感激之情。如果唔係佢,我都無可能一年升一次職,未夠27歲就達到自己30歲既目標。

希望佢都可以做到係邊度跌低就係邊度企返起身。又或者佢選擇從此退休,我都真心真意祝福佢身體健康。