局限下爭取最大利益與REIT

以前學經濟時,老師第一堂課便指出經濟學是一門「局限下爭取最大利益」的學問。想深一層,其實每個人都在自動自覺做著這事,例如學生總會在最短時間用最容易的方法完成作業,做生意的人總會想盡辦法在可行的情況下賺最多的金錢。種種有形無形的局限條件引領著人的行為。同樣,一間公司如果受一些對小投資者極之有利的法例所限制,我相信是百利而無一害,這也是為何我那麼喜歡投資REIT的原因,包括:

1. 每年須將不少於除稅後淨收入90%的金額作為股息分派

2. 不超過資產總值45%的借貸上限

3. 物業發展及相關活動不可超過資產總值的10% (我認為這點相當重要,對於一般房地產公司的弱項,便是其現金流問題。房產沒出售前,需要先付出一大筆現金,不是說資金鏈一定斷裂,但本人非常不喜歡風險)

現金流乃企業之命脈,源源不絕的現金流更是牢不可破的護城河。

是日有感。

了解更多:http://www.hkiec.hk/web/tc/investment/understanding-products/reit/reit.html

股票、伴侶和工作

有少少體會,基本上標題講既三樣野都有一種共同特性:三心兩意只會一事無成。

同時三樣野都有一個共同選擇準則:只選擇適合自己既,唔好選擇要勉強自己去迎合對方既。

有D股票,故事吸引,股價可以短時間爆升,帶俾無數股民刺激感,但你只係俾佢外表(價格)吸引,唔去理解到底呢間公司係度做緊乜,係咪合理咁樣賺緊錢,重要既係可唔可以長期咁賺錢。就好似有D女人,妖妖地好正,又識得用唔同招數去玩感情遊戲,識得做D野去令你留意佢,又忽冷忽熱搞到你上晒心,但你有冇去理解下佢到底岩唔岩你呢?有冇花少少時間去理解下到底佢真正既性格係點呢?如果你點都唔明白佢,就好似你點都唔明白點解D妖服可以大上大落,人地講既種種原因,你真係理解?對於工作,我只能夠講要揀一份岩自己性格既。如果你性格內向,但你見做SALES吸引,又易入行,好似好正。但你會做得開心咩?勉強無幸福。

股票、另一半同工作,其實都係一種投資。你將D血汗錢擺落間公司度,其實都係想賺錢,你擺左錢落去但又想有即時回報,果D叫賭錢。你將來娶個老婆,你會將你一生既時間、金錢、生活上既一切一切都同呢個人分享,如果呢個人適合你,對你人生既幫助係無可估量,咁又何嘗唔係一種投資呢?呢個諗法係從止凡兄身上得到啟發。而你份工作,係一種投資工具,投資係你自己身上,經驗就係你賺到既本錢。

呢篇好似好勢利,一時有感。