博耳電力全年業績一出,股價至今跌超過一半。其實呢隻股票幾個月前已經開始跌緊,跌到咁上下就CFO調職,如果話無春江鴨就一定唔信。間公司最大問題係代客還款(還factoring d錢)而無紀錄!!一間上市公司既管治水平竟然可以差成咁,而個CFO只係調職!?在此需要簡單解釋一下咩叫保理(factoring):
你擁有一間公司,同d客做成一單生意,俾數期個客,個客欠你錢,你入賬為應收款(AR),而你可以將個AR賣俾銀行,銀行先貼現80%既AR俾你,而你個客仔還錢果陣係要還俾銀行,銀行扣晒D所需費用如利息及手續費,就會將淨低既錢俾返你。根據保理安排(factoring),有分w/ recourse及w/o recourse兩種,前者當你個客仔唔還錢果陣,銀行係可以追返你!!因此保理好多時會動用你係銀行既facility limit,博耳電力正是呢種,因此代客還左唔少錢,但公司盤數竟然全無紀錄!!有咩後果?現金流大受影響,AR直線跳升,仲多左樣唔知收唔收得返既「客戶貸款」。
博耳一事教識我兩樣野:too good to be true&春江鴨。作為一個身在香港既小投資者,根本無可能做到due diligence去查間公司點樣做生意,人地有咩消息,一定有人早知過你。事後張化橋仍增持100萬股,向市場釋出信心,相信如果無呢個舉動,就算俾你一個月公佈一次AR同大股東借幾多錢俾公司都無用,公司股價會繼續跌落去。
講完唔開心野,講返D正面消息: 發改委公佈一月及二月天然氣消費量增加18.5%及17.8%(http://www.sdpc.gov.cn/jjxsfx/201603/t20160329_796639.html),一眾天然氣股份已漸漸回升。
利申:本人仍持有上述有關股份
沒有留言:
張貼留言